مراجعة هاتف 7infinix note انفنكس نوت 7
الفترة
اللي فاتت مكناش بنراجع موبايلات انفنكس وده لأنها كانت بتيجي بمعالج ضعيف P22 واللي
زهقنا منه ومحدش كان بيهتم لكن اتطورت انفنكس ونزلت موبايل بمعالج 35P وده
كان S5 pro وده كان أول
موبايل انفنكس نراجعه وانهارده معانا موبايل طفرة وهو هاتف 7 infinix note انفنكس
نوت 7 واللي فيه معالج موجه للجيمينج أظنك عرفت دلوقتي ليه طفرة؟
موبايل 7 infinix note انفنكس نوت 7
تصميم infinix
note 7
الهاتف نازل بخامات بلاستيك (اكريليك) ولا يوجد
إعلان رسمي عن طبقة الحماية مع إطار بلاستيكي أيضاً بسماكة 8.8 ملم ووزن الموبايل ككل 206 جرام.
الخامات
الأكريليك ممتازة وقوية مقارنة بالبلاستيك العادي وبتعكس الإضاءة أفضل لكنها لا
ترقى للخامات الازاز، ولا يوجد إعلان رسمي عن طبقة الحماية، وزن الموبايل تقيل
شويتين 206 جرام وده
راجع لبطاريته الضخمة 5000 وده
مأثر حتى في سمك الموبايل مخليه تخين 8.8 ملم
ومع كبر حجم الشاشة لحوالي 7 انش
بيخلي من الصعب جداً استخدام الموبايل بإيد واحدة.
الديزين عصري
وجذاب ومميز جداً خاصة مع اللون الأزرق والأخضر لونه شيك الحقيقة وبيحصلو تدرج
للون على حسب زاوية سقوط الضـوء، الحواف بقى حولين الموبايل قليله جداً بإستثناء
الحافة السفلية تعتبر كبيرة حاجة بسيطة عن الباقي.
وفي الضهر
فيه 4 كاميرات
موجودة فوق في المنتصف مترتبة جوه دايرة لونها اسود بارزة شوية عن سطح الموبايل
لكن بتطغطي بالكامل مع تركيب الجراب وموجود أربع فلاشات تحت الكاميرات داخل نطاق
الدايرة، ومن الأسفل وفي المنتصف مكتوب كلمة infinix note بشكل طولي ترتيب الكاميرات مميز جداً ومدي
احساس انه موبايل فلاجشيب مش موبايل فئة اقتصادية، ومن فوق موجود سماعة المكالمات
وموجود لمبة اشعارات صغيرة بتنور فقط أثناء شحن الهاتف.
ترند الديزين
عبارة عن الثقب أو الخرم punch hole وحاجة حلوة اننا بقينا نشوف تصميم الشاشة
الكاملة بالثقب في الفئة دي، وحجم الثقب متوسط مش كبير أوي ياخد عينك ولا صغير
وممكن تلغيه من الاعدادات بوضع شريط اسود.
الشاشة:
شاشة IPS اتش دي بلس 720×1640 بحجم 6.95 بوصة بتصميم الخرم بانش هول
في أعلى يسار الشاشة باستحواذ 83.7% من الواجهة مع كثافة بكسلات 258 بكسل في البوصة
الواحدة بأبعاد 20.5:9.
الشاشة تعتبر عيب رئيسي في الموبايل على الرغم كونها شاشة
كبيرة 7 بوصة تقريباً لكن
بدقة اتش دي بلس فقط ومع حجم الشاشة الكبير والدقة القليلة هتلاحظ وجود بكسلات
والمحتوى هيكون مبكسل لو ركزت في الشاشة، أو تضحك على نفسك ومتركزش كتير في الشاشة.
لكن المميز في الشاشة انها شاشة كاملة بديزين الثقب مش كبير
أوي ولا صغير حاجة كده في الوسط ممكن تلغيه من الاعدادات لو حابب، الألوان مش
مشبعة ألوان تعتبر باهتة لكن ماشي الحال، بالنسبة بقى لسطوع الشاشة فالسطوع هنا
اتطور جداً عن موبايلات انفنكس اللي قبل كده، السطوع حوالي 550 نيتس ودي درجة
سطوع كويسة أوي مش هتواجه أي مشاكل في سطوع الشمس.
الواجهة:
الموبايل بيشتغل بواجهة انفنكس 6.0 XOS مبنية على نظام أندرويد 10.
واجهة انفنكس الجديدة XOS واجهة خفيفة وسلسة إلى حد كبير وقليل لما تلاقي فيها تهنيجات ومع
معالج ميديا تك G70 الأداء سريع جداً
يعتبر من أسرع موبايلات انفنكس اللي نزلت الفترة الأخيرة، ومميز هنا برضو وجود
الدارك مود اللي بقى شيء أساسي في كل الواجهات واللي بيوفر شوية من طاقة البطارية،
لكن تظل تجربة الدارك مود مش أفضل حاجة لأن الشاشة هنا IPS مش أموليد.
كنا اشتكينا من واجهة شاومي 11 MIUI
واحنا بنراجع شاومي note 9s عشان بتعرض إعلانات الموضوع هنا بقى أرخم حبتين الإعلانات في كل
حتة من الواجهة.
الذاكرة:
النسخة المطروحة في مصر من الموبايل ده بذاكرة داخلية 128 جيجابايت نوعها 5.1 eMMC مع رامات 6 جيجا من نوع LPDDR4x
وبيتيحلك تركب كارت ميموري خارجي حتى سعة 2 تيرابايت في منفذ مستقل.
انفنكس ما زالت متفوقة على الشركات الصينية زي ريلمي وشاومي
في نقطة الرامات وعلى طول بنشوف مساحة داخلية مع حجم رامات بيبقى هو الأكبر في
الفئة السعرية غالباً.
الأداء:
الموبايل نازل بمعالج ميديا تك الجديد G70 ثماني النواة بدقة تصنيع 12 نانو بتردد بيوصل 2.0 جيجاهرتز، وجاي
معاه معالج الرسوميات 2Mali-G52 2EEMC.
شريحة ميديا تك الجديدة 70G شريحة اقتصادية موجهه للجيمينج مشفنهاش غير في موبايل ريلمي C3 وبتأدي نفس أداء شريحة G80 تقريباً واللي موجودة في ريلمي 6i، وهنا المعالج محقق 192 ألف نقطة فقط في اختبارات Antutu
للبنش مارك ودي نفس نتيجة ريلمي 3C، ومتفوق بفرق 24 ألف نقطة عن شاومي
نوت 8 واللي في نفس رينج
سعره.
فعلياً المعالج سريع في الاستخدام العادي في المهام اليومية
من سوشيال ميديا وتصفح، وفعلياً أداء G70 كويس في توفير
استهلاك للطاقة وفي نقطة السخونة.
معالج الرسوميات Mali-G52 أداءه كويس جداً
في الألعاب بيشغلك ببجي على إعدادات جرافيك HD مع فريم ريت high بسلاسة وبدون لاج، ودي نفس إعدادات ريلمي 6i المنافس ليه.
لعبة فورتنيت لسه مش مدعومة بشكل رسمي مع معالج ميديا تك
الجديد، لعبة كول اوف ديوتي بتشتغل هنا على إعدادات جرافيك low مع فريم ريت medium.
الكاميرات:
الموبايل جاي ب 4 كاميرات خلفية الرئيسية بدقة 48 ميجابكسل بفتحة
عدسة F1.8 بحجم بكسل 0.8 ميكرون مزودة بخاصية الفيز
ديتيكشن اوتو فوكس، والثانية بدقة 2MP بفتحة عدسة F2.4 وهي عدسة مخصصة
لتصوير الماكرو، الكاميرا الثالثة أيضاً بدقة 2MP بفتحة عدسة F2.4 مسؤولة عن قياسات
العمق، والكاميرا الرابعة بدقة 2MP بفتحة عدسة F1.8 مخصصة لتصوير
الفيديو، والكاميرات جاية مع فلاش رباعي Quad-LED flash.
الكاميرا الرئيسية تعتبر طفرة في موبايلات انفنكس الأخيرة،
في ضوء النهار بتطلع نتايج ممتازة من ألوان زاهية ومشبعة عينك هتحبها -لكنها مش الألوان
الواقعية- وتفاصيل كتير
وداينامك رينج عالي وإن كان محتاج يتحسن شوية والتصوير بالليل ممتاز أيضاً وأخيراً
انفنكس ضافت نايت مود اسمه super night mode وبيطلع ألوان مرضى عنها جداً من حيث تشبعها لكن لسه برضو فيه نويز
كتير في الصورة.
في تصوير البورتريه الموبايل بحالات ساعات يظبط لون البشرة
ويجيبه قريب من الأصفر وساعات تانية لا وتلقى البشرة لاسعة لكن التفاصيل كتير
وواضحة لكن اوفر اول النتيجة النهائية حلوة ومع شوية تعديلات على snapseed
مثلاً هتحصل على نتايج ممتازة.
لكن للأسف الموبايل بيفتقد للكاميرا الالترا وايد واللي
بتاخد بيها لقطات غير مألوفة لعين الإنسان وشخصياً أنا بفضلها عن الكاميرا الماكرو
لو هتخيرني بين الاتنين.
زي ما بقول دايما انا مش من فانز الكاميرا الماكرو لكن
كاميرا الماكرو هنا تقدر تطلع بيها نتايج ممتازة وفيها تفاصيل مقبولة، لكن الألوان
بحسها باهته شوية.
في تصوير الفيديوهات الموبايل بيصور فيديوهات فل اتش دي بحد
أقصى وبسرعة 30 إطار في الثانية.
الموبايل مش مميز في تصوير الفيديوهات، وبالنسبة للجودة فهي
من جيد إلى جيد جداً من حيث الألوان الزاهية والتباين الواضح والدايناميك رينج
العالي والنويز القليل لكن التفاصيل بتكون سوفت شوية.
الكاميرا الأمامية دقتها 16 ميجابكسل ببعد بؤري 26mm بفتحة عدسة F2.0 بحجم بكسل 1.0 ميكرون.
الصور مش شارب اوي والعزل ضعيف إلى حد ما والدايناميك رينج
في الضياع بيخلي الصورة تلسع لكن الألوان حلوة الحقيقة وإن كانت بتميل للون
الأصفر، من الآخر السيلفي مش أحسن حاجة.
السماعات:
سماعة
خارجية ستريو مكانها تحت على اليمين بتدعم خاصية التجسيم DTS
بالإضافة لوجود منفذ السماعات 3.5 ملم.
الموبايل مميز برضو بصوت ستريو سماعة
المكالمات بتشتغل في نفس الوقت مع السماعة الخارجية الرئيسية ومع تقنية DTS الصوتية فأنت بتحصل على تجربة صوتية مجسمة
وصوت عالي وواضح ومن الآخر ده أحسن موبايل من حيث التجربة الصوتية في فئته
السعرية، صوت سماعات المكالمات تمام ومفيهوش مشاكل، وكذلك صوت سماعات الأذن.
الاتصالات والمستشعرات:
واي فاي بيدعم dual-band وهوتسبوت.
بلوتوث 5.0 و GPS بالإضافة للراديو FM بالإضافة.
البصمة موجودة في الجنب اليمين مع
زرار الباور خلاص ده بقى التريند، بصمة سريعة ودقيقة وقليل أوي خالص لما تغلط،
كمان موجود Face Unlock
مكان البصمة ده هو الأنسب الحقيقة
والأسرع في الوصول ليه وأفضل من المكان الموجود في الضهر.
كل المستشعرات موجودة التسارع
والتقارب والبوصلة ومستشعر جيروسكوب ومستشعر الضـوء وشغالين تمام بدون مشاكل.
نيجي لنقطة الشبكة واللي كتير بيسأل
عنها خاصة وأن الشبكات في مصر سيئة بس لأ الموبايل هنا بيلقط شبكة وموبايل داتا
كويس جداً حتى في أماكن شبكتها ضعيفة.
المنافذ:
منفذ يو إس بي القديم 2.0 micro USB بيدعم خاصية OTG، وخلاص بقى المنفذ ده بقى
قديم ومش مستخدم التحول بقى كامل لمنفذ التايب سي حتى لو كان موبايل بألف جنيه.
منفذ سماعات الرأس التقليدي 3.5 ملم.
منفذين لتركيب شريحتين اتصال من النوع
نانو SIM ومنفذ خاص لكارت ميموري.
البطارية:
بطارية note 7 ضخمة حجمها 5000 مللي
أمبير بتدعم الشحن السريع بقوة 18 وات.
البطارية كبيرة 5000 ودي أحد نقاط القوة في الموبايل، البطارية بتصمد حوالي من 8.5 إلى 10 ساعات شاشة
مفتوحة حسب نوعية الاستخدام والفضل في كده راجع لشريحة ميدياتك الجديدة G70 الموفرة في الطاقة بصورة كويسة.
والمميز برضو هو سرعة الشحن 18 وات وعلى أرض الواقع الشاحن بيشحن البطارية من صفر إلى 100% في ساعتين إلا عشرة تقريباً ومع رقم البطارية الكبير فده وقت ممتاز
جداً والبطارية هنا قوية جداً وتعتبر خيار ممتاز بين المنافسين.
عيوب موبايل infinix note 7
✖ دقة الشاشة قليلة +HD بس
✖ منفذ ميكرو يو اس
بي قديم وليس Type-C
✖ توجد إعلانات كتير
ومزعجة في كل مكان في الواجهة
✖ للأسف لا توجد عدسة التراوايد واللي
أصبحت شيء اساسي في كل الفئات
مميزات 7 infinix note انفنكس نوت 7
✔ تصميم عصري وجذاب لكن ينقصه أن يأتي
بخامات زجاجية
✔ شاشة كبيرة جداً 6.95 بوصة شاشة كاملة مع ثقب بانش هول
✔ معالج قوي مخصص للألعاب وافتقدنا هذه
الميزة في انفنكس منذ زمن طويل
✔ الكاميرا الرئيسية ممتازة جداً وتعتبر
الأفضل في فئتها السعرية
✔ بطارية ضخمة 5000 مللي أمبير تصمد
حوالي 9 ساعات شاشة مفتوحة
ويتم شحنها بالكامل في ساعتين إلا تلت بفضل الشاحن السريع 18 وات
✔ حجم الذاكرة
الداخلية والرامات كافيين جداً ويعتبروا الأكبر بين المنافسين
✔ صوت عالي ومجسم
بفضل تقنية DTS
✔ يدعم تركيب
شريحتين اتصال وكارت ميموري في آن واحد
✔ توجد لمبة
الاشعارات لكنها لا تضئ إلا عند شحن الهاتف فقط
محتويات علبة هاتف 7 infinix note
هاتف 7 infinix
note مع اسكرينة حماية
رأس شاحن سريع 18
وات
مع كبل يو اس بي من نوع micro USB
جراب ظهر شفاف للحماية ودبوس معدني لفتح
درج الشريحة مع كتيب التعليمات ودليل الاستخدام والضمان
سماعات الأذن handfree
الخلاصة
هاتف 7 infinix note بالنسبة لهواتف انفنكس السابقة يعتبر طفرة ونقلة نوعية كبيرة من حيث الشاشة الكبيرة الكاملة بتصميم الثقب والأداء السريع وتجربة الكاميرا الخلفية الممتازة والبطارية الضخمة بشاحن سريع وتسعير وحجم رامات وذاكرة داخلية هما الأكبر بين المنافسين كل ده بيخليه على قدر المنافسة وبقوة ومن نظري انفنكس نوت 7 هيحقق مبيعات كويسة وأنا شايفه خيار ممتاز في الفئة دي.
سعر هاتف infinix note 7 انفنكس نوت 7
سعر موبايل 7 infinix note انفنكس نوت 7 الرسمي
هو 2999
جنيه للنسخة الوحيدة 128 مع 6 جيجا رام
وسعرها في المحلات بيكون أرخص حوالي 100 أو
150
جنيه.
للشراء من سوق.كوم
للشراء من سوق.كوم
تقيمنا للموبايل ككل ثمانية من عشرة 8/10
