مراجعة هاتف oppo reno 3 | توجه جديد من اوبو أم تغير مفاجئ لهواتف رينو الجديدة؟!

سعر اوبو رينو 3, oppo reno 3 سعر ومواصفات, سعر ومواصفات اوبو رينو 3, سعر موبايل اوبو رينو3, سعر موبايل oppo reno 3, oppo reno 3 سعر ومواصفات, oppo reno 3 مواصفات وسعر, oppo reno 3 مواصفات, سعر تليفون اوبو رينو 3, جوال oppo reno 3,

oppo reno 3 هاتف

مراجعة هاتف 3 oppo reno اوبو رينو 3

سلسلةاوبو رينو السابقة حققت انتشار كبير في السوق المصري على الرغم انها مش بتقدم أفضل قيمة مقابل السعر وقررت اوبو طرح الجيل الجديد من سلسلة رينو للسوق المصري وهما 3 oppo reno و oppo reno 3 pro على أمل انها تقدر تنافس، نسيبنا من النسخة البرو ونركز انهارده مع النسخة العادية ونشوف هل حصل تطوير عن reno 2f يستحق التحديث ام لا.

هاتف 3 oppo reno اوبو رينو 3

تصميم reno 3

الهاتف نازل بخامات بلاستيكية مع إطار بلاستيكي بسماكة 7.9 ملم ووزن الموبايل ككل 170 جرام.

للأسف الشديد اوبو استرخصت جامد في الخامات على الرغم ان مستخدمين اوبو أول حاجة تيجي في دماغهم مع موبايلات اوبو هي الخامات، وللأسف الخامات بعد ما كانت قوية وفيه طبقة حماية جوريلا جلاس 5 واطار ألومنيوم في الاصدار السابق reno 2f للأسف مش موجودين هنا، وزن الموبايل خفيف 170 جرام نظراً للخامات البلاستيك المستخدمة تقدر تستخدمه بإيد واحدة بسهولة.

الديزين بعد ما كان تحفة فنية بكل ما تحمله الكلمة من معنى في reno 2f أصبح للأسف تقليدي بحت مفيهوش حاجة مميزة، الديزين عبارة عن تدرج للون الأزرق من الفاتح للغامق أو اللون الاسود المطفي.

وفي الضهر فيه 4 كاميرات موجودة فوق على الشمال مترتبين جوه مستطيل أسمر حوافه دائرية مع بروز واضح عن سطح الموبايل، وموجود الفلاش خارج المستطيل، ترتيب تقليدي للغاية للكاميرات وبرضو للأسف بعد مكنش فيه بروز نهائي البروز هنا كبير وواضح ومفيش الكره الخضره اللي من السراميك عشان تمتص الصدمات لو الموبايل وقع منك واللي شوفناها في 2f.

اوبو موقفتش العك لحد هنا واستخدمت ديزين الشاشة بنوتش وتر دروب waterdrop وليس تصميم الثقب punch hole واللي عليه إجماع بأنه أفضل تصميم والعين بتتأقلم معاه بسرعه، انا شخصياً حزين على الخامات والتصميم وكنت أتمنى اوبو تنهج نهج سلسلة reno 2 ونشوف حاجة إبداعية من إبداعات اوبو ولكن خلونا ننتظر الجيل reno الجديد اعتقد انه هيبقى 5 reno لأنهم مبيتفألوش برقم 4 ونشوف اوبو هتقدم ايه.

الشاشة:

شاشة AMOLED فل اتش دي بلس 1080 × 2400 بحجم 6.4 بوصة بتصميم النوتش ووتر دروب باستحواذ 84.2% من الواجهة مع كثافة بكسلات 399 بكسل في البوصة الواحدة بأبعاد 20:9.

الشاشة تعتبر نفسها اللي في reno 2f شاشة أموليد وطبعاً مش محتاج اتكلم عن جمال وحلاوة وزهيان الألوان وتشبعها في الشاشات الأموليد خاصة بقى لو كانت من اوبو أو سامسونج بالتأكيد.

نقطة كمان تمتاز بيها الشاشات الأموليد هي السطوع حيث درجات السطوع العالية جداً بتسهل استخدام الموبايل في ضوء الشمس المباشر، ودرجات عدم السطوع المنخفضة اللي بتيح استخدام الموبايل في الضلمة بدون ما تأذي العين.

الواجهة:

الموبايل بيشتغل بواجهة اوبو الجديدة 7 Color OS مبنية بالكامل على نظام أندرويد 10.

الواجهات أزواق لكن واجهة اوبو color OS ناس كتير حبيتها وشكرت ومع الواجهة الجديدة 7 Color OS فالموضوع اتطور واتحسن والواجهة بقت أسرع وأسلس وأفضل.

الذاكرة:

الهاتف يأتي مع ذاكرة داخلية 128 جيجابايت نوعها 2.1 UFS مع رامات 8 جيجا من نوع LPDDR4x وبيتيحلك تركب كارت ميموري خارجي مكان منفذ الشريحة الثانية.

هو مجرد سؤال ليه اوبو مبتحبش تعمل نسختين الرامات في موبايلات reno اعتقد لو يبقى فيه نسخة 6 ونسخة 8 جيجا رام هيساعد الناس اكتر خاصة وأن المعالج مبيبقاش الأفضل فلو فيه نسخة أقل هيساعد في تقليل السعر.

الأداء:

الموبايل نازل بمعالج ميديا تك Helio P90 ثماني النواة بدقة تصنيع 12 نانو بتردد بيوصل 2.2 جيجاهرتز، وجاي معاه معالج الرسوميات PowerVR GM9446.

شريحة ميديا تك 90Helio P شريحة تعتبر كويسة لحالها لكن متعتبرش تطوير كبير عن الإصدار السابق oppo reno 2f واللي كان نازل بمعالج ميديا تك Helio P70 وبالتالي متتوقعش أداء خرافي عن reno 2f الأداء يكاد يكون هو هو مع بعض الاستقرار وسخونة أقل حاجة بسيطة، ده بالنسبة للاصدار السابق أما بالنسبة للمنافسين فالموبايل متأخر كتير جداً عن المنافسين فلو بصيت مثلاً عن realme 6 pro هتلاقي موبايل ريلمي نازل بمعالج SD 720G الأقوى بمراحل ومحقق 268 ألف نقطة في اختبارات Antutu للبنش مارك أما الموبايل ده فمحقق فقط 200 الف نقطة يعني متأخر بفرق 68 ألف نقطة وده فرق كبير جداً ومش عايز أقولك ان شريحة SD 720G موجودة في موبايل شاومي نوت 9s وبنص السعر حرفياً.

الناس مش هاممها صداع الأرقام وعايزه تعرف الأداء على أرض الواقع فأداء المعالج متواضع في الاستخدام اليومي من سوشيال ميديا وتصفح وتبديل بين البرامج واللي مساعد في كده سوفت وير اوبو الممتاز ودي عادة اوبو مش بتقدم أفضل أداء لكنها بتستفيد من المعالج المستخدم أقصى استفادة ممكنة وطبعاً زبون اوبو بيبقى عارف انه مش هياخد أفضل أداء لكن هياخد مميزات تانية كتير ودي سياسة اوبو.

معالج الرسوميات PowerVR GM9446 أداءه كويس إلى حد ما في الألعاب بيشغلك ببجي على إعدادات جرافيك HD مع فريم ريت high بسلاسة وبدون لاج غير بعد فترة طويلة من اللعب.

لعبة فورتنيت للأسف مش مدعومة بشكل رسمي على المعالج ده، أما لعبة كول اوف ديوتي واللي بتطلبوها مني علطول فبتشتغل هنا على إعدادات جرافيك افتراضية high مع فريم ريت high بس للأسف بتهنج تهنيجات خفيفة كده بين كل فترة والتانية.

الكاميرات:

الموبايل جاي ب 4 كاميرات خلفية الرئيسية بدقة 48 ميجابكسل ببعد بؤري 26mm وفتحة عدسة F1.8 وبحجم بكسل 0.8 ميكرون مزودة بخاصية الفيز ديتيكشن اوتو فوكس، والثانية بدقة 13MPببعد بؤري 52mm بفتحة عدسة F2.4 بمعدل تكبير بصري 2X ومزودة بخاصية الفيز ديتيكشن اوتو فوكس أيضاً وهي عدسة تيلي فوتو للتصوير عن بعد، الكاميرا الثالثة بدقة 8MP ببعد بؤري 13mm بفتحة عدسة F2.2 وهي عدسة التراوايد، والكاميرا الرابعة بلاك أند وايت بدقة 2MP بفتحة عدسة F2.4 مهمتها قياس العمق، والكاميرات جاية مع فلاش أحادي LED.

الكاميرات تعتبر الحاجة الوحيدة اللي نقدر نقول حصلها تطور جذري عن reno 2f الكاميرا الرئيسية مبهرة، في ضوء النهار بتطلع نتايج ممتازة من ألوان زاهية ومشبعة عينك تحبها وتفاصيل كتير حتى بعد الزوم خاصة لو بتصور بوضع 64 ميجابكسل وداينامك رينج عالي، أما التصوير بالليل فالصور بتطلع سوفت والتفاصيل بتقل بشكل كبير.

في تصوير البورتريه الموبايل فيبيظبط لون البشرة في أغلب الوقت ويجيبه قريب من الأصفر الواقعي والتفاصيل كتير وواضحة لكن اوفر اول النتيجة النهائية لطيفة.

وموجود العشق كاميرا تيلي فوتو وهي المفضلة عندي عن بقية الكاميرات لأنها هي الأنسب في تصوير البورتريه، الكاميرا جاية بمعدل تكبير بصري 2X وأداء أفضل من القص من صورة الكاميرا الرئيسية من حيث النويز القليل والتفاصيل الكتير، وموجود زوم ديجيتال 5X بيقص من الصورة ال 2X النتيجة النهائية مقبولة بس مش هينفع تقص منها بعد كده.

الكاميرا الالتراوايد بتطلع صور لطيفة جداً فيها تفاصيل كتير بالأخص لو بالنهار مع دايناميك رينج عالي لكن في التصوير بالليل بيظهر بعض النويز أو التحبب على العموم فيها تحسن بسيط عن reno 2f.

في تصوير الفيديوهات الموبايل بيصور فيديوهات بدقة فور كيه بسرعة 30 إطار في الثانية أو فل اتش دي بسرعة 60 إطار في الثانية مع وجود مثبت إلكتروني EIS.

الموبايل كويس أيضاً في تصوير الفيديوهات وعالج القصور اللي كان موجود في 2F وهو عدم تصوير فور كيه، فالموبايل هنا بيقدر يصور فور كيه لكن بدون الثبات ولو عايز تحصل على الثبات هتضطر تقلل الجودة لفل اتش دي مقابل انك تحصل على ثبات والحقيقة الثبات ممتاز ويستحق، وبالنسبة للجودة فهي جيدة جداً من حيث الألوان والتباين الواضح والدايناميك رينج.

الكاميرا الأمامية دقتها 44 ميجابكسل ببعد بؤري 26mm بفتحة عدسة F2.4 بحجم بكسل 0.8 ميكرون.

كاميرا السيلفي على الرغم انها 44MP تعتقد انك هتاخد تجربة سيلفي محصلتش لكن الواقع التجربة مجرد كويسة لأن التفاصيل بتقل لو بتصور ان دور والنويز بيبدأ يظهر مع أقل قللان للإضاءة كمان العزل في وضع البورتريه ضعيف إلى حد ما.

السماعات:

سماعة خارجية واحدة مونو مكانها تحت على اليمين بالإضافة لوجود منفذ السماعات التقليدي 3.5 ملم كما يدعم الهاتف مايك ثانوي لعزل الضوضاء.

أكيد صوت الموبايل مش ستريو لكن الصوت عالي وواضح جداً التجربة الصوتية بشكل عام مقبولة جداً، صوت سماعات المكالمات تمام ومفيهوش مشاكل، وكذلك صوت سماعات الأذن.

الاتصالات والمستشعرات:

واي فاي بيدعم dual-band وواي فاي دايركت وهوتسبوت.

بلوتوث 5.0 ونظام التموضع العالمي GPS بالإضافة لدعمه موجات الراديو FM.

البصمة مدمجة في شاشة الهاتف من الأسفل، بصمة سريعة ودقيقة وعملية جداً وقليل خالص لما تغلط، كمان موجود Face Unlock

منفذ اليو اس بي هنا 1.0 USB Type-C الجيل الأول الإصدار التاني بيدعم خاصية الاتصال العكسي وخاصية OTG.

كل المستشعرات موجودة التسارع والتقارب والبوصلة ومستشعر جيروسكوب ومستشعر الضـوء وشغالين تمام بدون مشاكل.

نقطة الشبكة كويسة ومفيهاش مشاكل كحال أغلب هواتف اوبو.

البطارية:

بطارية 3 reno بتيجي بحجم 4025 مللي أمبير بتدعم الشحن السريع بقوة 20 وات مع دعم لخاصية الشحن السريع 3.0 VOOC.

البطارية بتصمد حوالي 6.5 أو 7.5 ساعات شاشة مفتوحة وقت مش كبير في عالم الأرقام هذه الايام، البطارية إلى حد كبير مقبولة لكنها ليست الأفضل بالنظر للمنافسين وكنت أتمنى لو تكون على الأقل 4500 مللي خاصة ان موبايلات كتير وبسعر أقل بتيجي بسعة 5000 مللي أمبير وده بقى يعتبر ال standard.

لكن الميزة القوية هنا هو الشاحن السريع بقوة 20 وات وعلى أرض الواقع بيشحن البطارية من صفر إلى 50% في نص ساعة وبيشحنها كاملة 100% في ساعة وعشر دقايق فقط ومش محتاج اقول ان دي أرقام مبهرة وإن ده وقت ممتاز جداً.

عيوب هاتف oppo reno 3

✖ هناك تنازل كبير في الخامات عن الإصدار السابق reno 2f

✖ شاشة بنوتش waterdrop وليست شاشة كاملة مثل reno 2f

✖ وجود بروز واضح للكاميرات الخلفية بعد أن كانت مدفونة بالكامل في الاصدار السابق reno 2f

✖ معالج ليس الخيار الأمثل في هذه الفئة السعرية لكنه يقدم أداء فعلي مقبول تماماً

✖ لا توجد لمبة للاشعارات ولكن يوجد بدل منها خاصية always-on display لعرض الساعة والاشعارات والشاشة مطفية

✖ لا يمكن استخدام شريحتين اتصال وكارت ميموري في وقت واحد

مميزات oppo reno 3

✔ شاحن سريع يشحن البطارية كاملة في ساعة و 10 دقائق مع بطارية إلى حد ما جيدة

✔ شاشة أموليد ممتازة بألوان مبهرة وتدعم مستشعر بصمة أوبتيكال سريع ودقيق

✔ كاميرات ممتازة جداً سواء الرئيسية أو حتى التلي فوتو العدسة الأقوى والالترا وايد لا تزال ممتازة

✔ الهاتف يتيح تصوير فيديوهات بدقة فور كيه والتي افتقدناها في الجيل السابق

✔ كاميرا السيلفي هي الأخرى ممتازة

محتويات علبة هاتف 3 oppo reno

هاتف 3 oppo reno مع اسكرينة حماية تم تركيبها بشكل مسبق

رأس شاحن سريع 20 وات مع كبل يو اس بي Type-C

جراب ظهر شفاف للحماية ودبوس معدني لفتح درج الشريحة مع كتيب التعليمات ودليل الاستخدام والضمان

سماعات الأذن handfree بمنفذ 3.5 ملم

الخلاصة

هاتف 3 oppo reno بعيداً عن نقطة الكاميرات والمعالج الأفضل قليلاً فهو لم يقدم أي جديد عن reno 2f بل بالعكس رأينا تنازلات كتير أبرزها على مستوى الخامات والتي كانت تشتهر اوبو بها، وشخصياً أرى أنه لا داعي للتحديث من reno 2f أما إن كنت تستخدم اوبو F11 وتريد أن تحدث فأعتقد ان هذا الهاتف تحديث مناسب، فيما عدا هذه الحالة فلا انصح بشراء هذا الهاتف.

سعر هاتف 3 oppo reno اوبو رينو 3

سعر موبايل 3 oppo reno الرسمي هو 5990 جنيه للنسخة الوحيدة 128 مع 8 جيجا رام وستكون متاحة للفرست سيل ابتداءً من يوم 3 يونيو.

تقيمنا للموبايل ككل 7 من عشرة 7/1

إعلان