إعلان

Header Ads

مراجعة هاتف xiaomi redmi note 9s | شاومي حيرتنا معاها !!

5/14/2020
شاومي نوت 9s, ريدمي نوت 9s, شاومي نوت 9 اس, شاومي ريدمي نوت 9 اس, نوت 9s شاومي, سعر شاومي نوت 9s, شاومي ريدمي نوت 9s, redmi note 9s مواصفات, شاومي 9 اس, هاتف بلس
xiaomi redmi note 9s مراجعة هاتف

مراجعة هاتف xiaomi redmi note 9s شاومي نوت 9 اس

سلسلةالنوت من شاومي تعتبر أشهر سلسلة عندها وأكتر سلسلة بتبيع ولما موبايل جديد ينزل منها لازم تحصل معاه ضجة كبيرة ومؤخراً أطلقت شاومي هاتف xiaomi redmi note 9s شاومي نوت 9 اس في مصر النسخة المحلية من  موبايل note 9 pro اللي اطلقته شاومي عالمياً مع note 9 pro max، وكالعادة مع التسعير الممتاز حصل كلام كتير على الهاتف زي نقطة الشادو حولين ثقب السيلفي فخلونا نراجع الموبايل ونشوف هل الكلام ده حقيقه ولا لأ.

موبايل xiaomi redmi note 9s شاومي نوت 9 اس

تصميم redmi note 9s
خامات الهاتف إزاز عليه طبقة حماية جوريلا جلاس 5 مع إطار بلاستيك بسماكة 8.8 ملم ووزن الموبايل 209 جرام.

الموبايل فيه خامات إزاز ممتازة على الرغم انه موبايل فئة متوسطة اقتصادي بيهتم بتقديم إمكانيات أفضل مقابل السعر والمميز أيضاً وجود طبقة حماية جوريلا جلاس 5 القوية والأميز من كل ده ان عندك طبقة مقاومة لرذاذ الماء ودي حاجة كويسة جداً ومن الآخر مفيش موبايل في نفس الفئة يقدر ينافس note 9s في الخامات، وزن الموبايل تقيل شوية اتنين تلاتة 209 جرام وده طبيعي بسبب الخامات الازاز القوية وراجع كمان لبطاريته الضخمة 5000 وده مأثر حتى في سمك الموبايل مخليه تخين 8.8 ملم.

الديزين عصري وجذاب خاصة مع اللون الأزرق لونه شيك الحقيقة وبيحصلو تدرج من الفاتح للغامق على حسب زاوية الضـوء والحقيقة الخامات الازاز بتعكس الضـوء أفضل بكتير من البلاستيك حتى لو كان بلاستيك لامع أو جلاستيك على حسب ما الشركات بتحب تسميه، الحواف بقى حولين الموبايل قليله جداً بإستثناء الحافة السفلية تعتبر كبيرة حاجة بسيطة عن الباقي.
شاومي نوت 9s, ريدمي نوت 9s, شاومي نوت 9 اس, شاومي ريدمي نوت 9 اس, نوت 9s شاومي, سعر شاومي نوت 9s, شاومي ريدمي نوت 9s, redmi note 9s مواصفات, شاومي 9 اس, هاتف بلس
وفي الضهر فيه 4 كاميرات موجودة فوق في المنتصف مترتبة جوه مربع بارز بزيادة عن سطح الموبايل لونه اسود وموجود الفلاش تحت مربع الكاميرات جوه مستطيل أسود غير بارز، و بالتوازي مع نهاية المستطيل من الأسفل مكتوب كلمة Redmi، ترتيب الكاميرات مميز جداً لكن عيبه البروز الكبير جداً بيخلي الموبايل يتهز لو حطيته على سطح مستوى زي المكتب مثلاً وعشان كده يفضل تركيب الجراب اللي جاي معاه في العلبة.
شاومي نوت 9s, ريدمي نوت 9s, شاومي نوت 9 اس, شاومي ريدمي نوت 9 اس, نوت 9s شاومي, سعر شاومي نوت 9s, شاومي ريدمي نوت 9s, redmi note 9s مواصفات, شاومي 9 اس, هاتف بلس
ومن فوق موجود سماعة المكالمات وموجود جنبها لمبة اشعارات صغيرة وطبعاً شاومي منستش مستشعر IR المميز في أجهزتها.
ترند الديزين دلوقتي بقي عبارة عن الثقب أو الخرم punch hole ودي حاجة حلوة اننا نشوف تصميم الشاشة الكاملة بالثقب في الفئة دي لكن تجربة الشاشة الكاملة ناقصها ان حجم الثقب يصغر شوية ووجود شادو خفيف كده حولين الثقب بيبان أكتر على الخلفية البيضة الحاجتين دول بياخدوا عينك وانت بتتفرج على الفيديوهات والأفلام.
شاومي نوت 9s, ريدمي نوت 9s, شاومي نوت 9 اس, شاومي ريدمي نوت 9 اس, نوت 9s شاومي, سعر شاومي نوت 9s, شاومي ريدمي نوت 9s, redmi note 9s مواصفات, شاومي 9 اس, هاتف بلس
الشاشة:
شاشة IPS فل اتش دي بلس بحجم 6.67 بوصة بتصميم الخرم بانش هول في منتصف الشاشة باستحواذ 84.5% من الواجهة مع كثافة بكسلات 395 بكسل في البوصة الواحدة، وأبعاد 20:9.

الشاشة تعتبر أقل حاجة في الموبايل ومش معنى كده انها وحشه لا بالعكس الشاشة قوية جداً لكن بالنظر للمنافسين فهي مش شاشة أموليد زي موبايل سامسونج M31 ولا هي شاشة 90 هرتز زي هاتف ريلمي 6، حتى جودة الشاشة مش ممتازة فيه شادو حولين ثقب السيلفي بيبان أكتر لما خلفية الشاشة تكون بيضة أو لو ركزت حولين الخرم هتلاحظ الظل فعلاً.

لكن المميز في الشاشة انها بتدعم HDR10 اللي بتشبع الألوان وبتخلي فيها نضارة لكن متوصلش لدرجة الأموليد، بالنسبة بقى لسطوع الشاشة فبيوصل 575 نيتس أو شمعة ودي درجة سطوع كبيرة وعالية مش هتواجه أي مشاكل في سطوع الشمس، والمميز كمان درجة عدم السطوع اللي بتقل لحد 0.3 شمعة للون الأسود أو 1.1 شمعة للون الأبيض ودي درجات منخفضة جداً ومريحة للعين في الضلمة.
الواجهة:
الموبايل بيشتغل بواجهة شاومي MIUI 11 المبنية على نظام أندرويد 10.

واجهة 11 MIUI هنا للأسف فيها تهنيجات وتشنجات خاصة مع النسخة الأصغر 64 مع 4 جيجا رام ونتمني بقى نشوف واجهة شاومي الجديدة 12 MIUI تشق طريقها لموبايل note 9s في أسرع وقت، المميز هنا في الواجهة وجود الدارك مود اللي بقى يدعم تطبيقات أكتر واللي بيوفر شوية من طاقة البطارية، لكن تظل تجربة الدارك مود مش أفضل حاجة لأن الشاشة هنا IPS مش أموليد.

في نقطة برضو حابب أشير إليها شاومي بتعرض إعلانات في بعض التطبيقات الخاصة بيها زي برنامج مدير الملفات وبرنامج الحماية وممكن بعض التطبيقات التانية ودي سياسة من شاومي بتعوض بيها أسعار موبايلاتها الرخيصة.
الذاكرة:
النسخ اللي نازلة مصر من الموبايل ده بذاكرة داخلية 64 جيجابايت نوعها 2.1 UFS مع رامات 4 جيجا من نوع LPDDR4x أو 128 ذاكرة داخلية مع رامات 6 جيجا وبيتيحلك تركب كارت ميموري خارجي في منفذ مستقل.

وجود النسخة 64 مع 4 جيجا رام مخليها خيار ممتاز وقلل من السعر عكس موبايل ريلمي 6 اللي مفيهوش نسخة 64، وعالعموم النسختين خيارين ممتازين الحقيقة.
الأداء:
الموبايل نازل بمعالج سناب دراجون 720G ثماني النواة بدقة تصنيع 8 نانو بتردد بيوصل 2.3 جيجاهرتز، وجاي معاه معالج الرسوميات كوالكوم 618 Adreno.

شريحة  سناب دراجون 720G شريحة جديدة مشفنهاش لسه غير في موبايلين ده وموبايل ريلمي 6 برو لكن عايزك تعرف ان موبايل ريلمي 6 برو في فئة 5000 جنيه يعني تقريباً الشاومي نوت 9s بنص سعر ريلمي 6 برو، عالعموم المعالج محقق 254 ألف نقطة فقط في اختبارات Antutu متأخر عن ريلمي 6 برو بفارق بسيط 14 ألف نقطة، لكن لا زال متأخر عن ريلمي 6 العادي وشاومي نوت 8 برو اللي فيهم معالج ميدياتك G90T واللي هما بنفس سعره وأقل بفرق بفرق مش قليل 34 الف نقطة.

فعلياً بقى أداء المعالج في المهام اليومية من سوشيال ميديا وتصفح وتبديل بين البرامج طيارة لكن فيه نقطة تهنيج من السوفت وير بتاع شاومي، وفعلياً أداء 720G أفضل من G90T في الاستهلاك الأقل للطاقة وفي نقطة السخونة اللي مبيسخنش خالص إلا لو قرصت على الموبايل قوي في الألعاب لكن G90T أفضل في الألعاب والأداء وخلونا نتكلم عن تجربة الألعاب.
شاومي نوت 9s, ريدمي نوت 9s, شاومي نوت 9 اس, شاومي ريدمي نوت 9 اس, نوت 9s شاومي, سعر شاومي نوت 9s, شاومي ريدمي نوت 9s, redmi note 9s مواصفات, شاومي 9 اس, هاتف بلس
معالج 618 Adreno هو نفس معالج الجرافيكس الموجود في شريحة سناب دراجون 730 أداءه كويس جداً في الألعاب بيشغلك ببجي على إعدادات جرافيك HD مع فريم ريت high بدون أي لاج أو تقطيع، وزي ما قولتلك G90T أفضل في الألعاب بيشغلها على إعدادات أعلى لكن هنا مفيش سخونة خالص.
شاومي نوت 9s, ريدمي نوت 9s, شاومي نوت 9 اس, شاومي ريدمي نوت 9 اس, نوت 9s شاومي, سعر شاومي نوت 9s, شاومي ريدمي نوت 9s, redmi note 9s مواصفات, شاومي 9 اس, هاتف بلس
لعبة فورتنيت شغالة هنا بشكل رسمي على إعدادات جرافيك medium مع فريم ريت 30.
 الكاميرات:
الموبايل جاي ب 4 كاميرات خلفية الأولى بدقة 48 ميجابكسل بمستشعر سامسونج 2GM بحجم 1/2 انش ببعد بؤري 26mm وبفتحة عدسة F1.8 بحجم بكسل 0.8 ميكرون مزودة بالفيز ديتيكشن اوتو فوكس، والثانية بدقة 8MP ببعد بؤري 13mm وبفتحة عدسة F2.2 وهي عدسة الترا وايد، الكاميرا الثالثة بدقة 5MP بفتحة عدسة F2.4 مخصصة لتصوير الماكرو، والكاميرا الرابعة بدقة 2MP وبفتحة عدسة F2.4 مسؤولة عن قياس العمق، والكاميرات جاية مع فلاش LED.
شاومي نوت 9s, ريدمي نوت 9s, شاومي نوت 9 اس, شاومي ريدمي نوت 9 اس, نوت 9s شاومي, سعر شاومي نوت 9s, شاومي ريدمي نوت 9s, redmi note 9s مواصفات, شاومي 9 اس, هاتف بلس
كوالتي الكاميرا الرئيسية في ضوء النهار بتطلع نتايج ممتازة على مستوى الألوان الزاهية والتفاصيل الكتير بفضل مستشعر سامسونج 2GM الكبير والتصوير بالليل جيد أيضاً وبيطلع ألوان مقبولة لكن متاح ليك تشغل وضع الذكاء الاصطناعي وتحصل على ألوان أكتر تشبع، كمان متاح تصور بوضع 12MP أو وضع 48MP والحقيقة مفيش فرق كبير بين الوضعين لا على مستوى الألوان أو على أي مستوى تاني حتى نقطة الشارب والحدية مفيش فرق كبير فأنا أفضل تصور على وضع 12MP احسن وتوفر في المساحة
شاومي نوت 9s, ريدمي نوت 9s, شاومي نوت 9 اس, شاومي ريدمي نوت 9 اس, نوت 9s شاومي, سعر شاومي نوت 9s, شاومي ريدمي نوت 9s, redmi note 9s مواصفات, شاومي 9 اس, هاتف بلس
تصوير البورتريه بيعتمد بشكل كبير على وجود مصدر كافي للضوء كل ماكان فيه ضوء بتاخد تفاصيل وشارب وبتساعد الموبايل يطلع لون البشرة مظبوط وبتحصل على عزل كبير.

كاميرا الترا وايد بتخليك تصور مشاهد بزاوية 119° درجة الغريبة على العين، وفيها معالجة تلقائية للتشوه اللي بيطلع منها، وبالنسبة لجودتها فهي جيدة جداً بالنهار بتطلع صور بتفاصيل كتير وداينامك رينج عالي والتشوه عند الجوانب قليل جداً بفضل المعالجة التلقائية ليه لكن للأسف مفيش وضع نايت مود في الكاميرا الالترا وايد وده بيخلي فيه شوية نويز وفقدان للتفاصيل أثناء التصوير الليلي أو التصوير في إضاءات منخفضة بصفة عامة، لكن عموماً كاميرا الالترا وايد هنا تجربتها جيدة جداً على الفئة السعرية اللي هيا فيها.
شاومي نوت 9s, ريدمي نوت 9s, شاومي نوت 9 اس, شاومي ريدمي نوت 9 اس, نوت 9s شاومي, سعر شاومي نوت 9s, شاومي ريدمي نوت 9s, redmi note 9s مواصفات, شاومي 9 اس, هاتف بلس
انا مش من فانز الكاميرا الماكرو لكن كاميرا الماكرو هنا ممتازة وفيها تركيز تلقائي أوتو فوكس اللي نادراً لما تلاقيه في كاميرا ماكرو مش بس في الفئة السعرية دي لا في أي فئة سعرية تانية، بالنسبة لجودة الصور بقى فجودتها ممتازة وفيها تفاصيل بفضل الاوتو فوكس اللي بيظبط الفوكس على الحاجة اللي بتصورها لكن الألوان بتطلع باهته شوية لكن غير كده فدى تعتبر واحدة أفضل كاميرات الماكرو اللي ممكن تجربها في أي موبايل في أي فئة سعرية كان
شاومي نوت 9s, ريدمي نوت 9s, شاومي نوت 9 اس, شاومي ريدمي نوت 9 اس, نوت 9s شاومي, سعر شاومي نوت 9s, شاومي ريدمي نوت 9s, redmi note 9s مواصفات, شاومي 9 اس, هاتف بلس
في تصوير الفيديوهات الموبايل بيصور فيديوهات فور كيه بسرعة 30 إطار في الثانية أو فل اتش دي بسرعة حتى 120 إطار في الثانية أو اتش دي بسرعة تصل 960 إطار في الثانية، ويوجد مثبت إلكتروني EIS.

الموبايل ده قوي جداً كتصوير فيديوهات بيطلع جودة فور كيه من العدسة الرئيسية وفيها سلو موشن لكن العدسة الالترا وايد اخرها تصور 1080 بسرعة إطارات 30 فقط وكذلك الأمر لكاميرا الماكرو اللي محدش هيصور بيها فيديو يعني، وبالنسبة للجودة فالحقيقة الجودة خرافية خاصة في وضع 4K من حيث الألوان الزاهية والتباين الواضح والدايناميك رينج العالي والنويز القليل اللي يكاد يكون مش موجود، والمميز كمان الموبايل بيسجل صوت الفيديو مجسم ستريو، والأميز من كل ده التثبيت الالكتروني اللي بيخلي حركة الكاميرا ناعمة جداً وبيشتغل كمان على الكاميرا الالترا وايد لكن للأسف الشديد التثبيت مبيشتغلش على وضع فل اتش دي 30 فريم فقط.

الكاميرا الأمامية دقتها 16 ميجابكسل بفتحة عدسة F2.5 بحجم بكسل 1.0 ميكرون.

الصورة زي ما انا متوقع من فتحة العدسة الضيقة مش شارب خالص والعزل ضعيف لكن الألوان والدايناميك رينج والتباين كويسين قوي، من الآخر السيلفي هنا مش أحسن حاجة بين المنافسين بس ماشي الحال.
 السماعات:
سماعة خارجية واحدة مكانها تحت على اليمين بالإضافة لوجود منفذ السماعات 3.5 ملم.

صوت السماعات ممتاز وعالي وواضح في الترددات العالية والمتوسطة لكن في الترددات المنخفضة السماعة بتفتقد لوضوح الصوت الموجود في الترددات العالية، وصوت سماعات المكالمات تمام ومفيهوش مشاكل، وكذلك صوت سماعات الأذن.
 الاتصالات والمستشعرات:
واي فاي بيدعم WI-FI Direct و dual-band وهوتسبوت.
بلوتوث 5.0 و GPS بالإضافة للراديو FM بالإضافة إلى مستشعر الأشعة تحت الحمراء اللي شاومي متميزة بيه وحاجة حلوه ان لسه شاومي محافظة عليه.

البصمة موجودة في الجنب اليمين مع زرار الباور، بصمة سريعة ودقيقة جداً وقليل أوي خالص لما تغلط، كما يوجد Face Unlock
مكان البصمة ده هو الأنسب الحقيقة والأسرع في الوصول ليه وأفضل من المكان الموجود في الضهر.

كل المستشعرات موجودة تمام التسارع والتقارب والبوصلة وحساس جيروسكوب ومستشعر الضـوء
نيجي لنقطة الشبكة واللي حصل عليها بعض الكلام ودايماً لو تلاحظو لما شاومي تنزل موبايل من سلسلة النوت يحصل بلبلة علي نقطة الشبكة الانطباع ده ناتج غالباً بسبب النوت 7 اللي كان فيه مشاكل متفاوتة مع الشبكة، والحقيقة الشبكة هنا عادية جداً زيها زي أغلب الموبايلات بتلقط معاك كويس في معظم الأماكن حتى لو مكان مغلق في الدور الأرضي مثلاً الشبكة هتلقط معاك لكن مش هتلقط كاملة وده طبيعي.
 المنافذ:
منفذ يو إس بي 1.0 Type-C الإصدار التاني بيدعم خاصية الاتصال العكسي وخاصية OTG.
منفذ سماعات الرأس التقليدي 3.5 ملم.
منفذين لتركيب شريحتين اتصال من النوع نانو SIM ومنفذ خاص لكارت ميموري.
 البطارية:
بطارية note 9s ضخمة حجمها 5020 مللي أمبير بتدعم الشحن السريع بقوة 18 وات.

رقم لبطارية 5000 رقم كبير ودي نقطة قوة في الموبايل، البطارية بتصمد حوالي من 8 إلى 10 ساعات شاشة مفتوحة والفضل في كده راجع لشريحة سناب دراجون 720G بدقة 8 نانو الموفرة في الطاقة بصورة ممتازة.

المميز برضو هنا هو سرعة الشحن 18 وات على الرغم ان الموبايل بيجي معاه في العلبة شاحن 22.5 وات وشاومي بتقول انها بتعمل شاحن موحد، وفعلياً شريحة سناب دراجون 720G بتدعم الشحن 22.5 فنتمني لو ينزل تحديث يخلي الموبايل يستفيد من سرعة الشاحن.
على أرض الواقع الشاحن بيشحن البطارية من صفر إلى 60% في 50 دقيقة وبيشحن البطارية كاملة في ساعتين إلا ربع فقط ومع رقم البطارية الكبير فده وقت ممتاز جداً.

عيوب موبايل xiaomi redmi note 9s

✖ الشاشة بتردد 60 هرتز فقط وليس 90 هرتز مثل المنافس 6 realme
✖ حجم الثقب كبير بياخد العين معاه وموجود حوليه شادو واضح
✖ توجد بعض التشنجات والتقطيعات في واجهة شاومي نتمنى حلها مع اصدار MIUI 12
✖ بروز الكاميرات كبير جداً للأسف ويستحسن تركيب الجراب لتغطية هذا البروز
✖ لا يأتي في علبة الهاتف سماعات الأذن 

مميزات redmi note 9s شاومي نوت 9s

✔ تصميم عصري وجذاب من الزجاج محمي بطبقة حماية جوريلا جلاس 5 وطبقة مقاومة لرذاذ الماء
✔ شاشة كبيرة 6.6 بوصة بمستويات سطوع قوية وبتدعم HDR10
✔ كاميرات خلفية ممتازة سواء على مستوى الصور أو على مستوى الفيديوهات
✔ بطارية ضخمة 5000 مللي أمبير تصمد حوالي 9 ساعات شاشة مفتوحة ويتم شحنها بالكامل في ساعتين إلا ربع
✔ يدعم تركيب شريحتين اتصال وكارت ميموري في آن واحد
✔ وجود مستشعر الأشعة تحت الحمراء IR للتحكم في الأجهزة الكهربائية ووجود لمبة الاشعارات

محتويات علبة هاتف xiaomi redmi note 9s

شاومي نوت 9s, ريدمي نوت 9s, شاومي نوت 9 اس, شاومي ريدمي نوت 9 اس, نوت 9s شاومي, سعر شاومي نوت 9s, شاومي ريدمي نوت 9s, redmi note 9s مواصفات, شاومي 9 اس, هاتف بلس
هاتف xiaomi note 9s متركبله اسكرينة حماية بشكل مسبق
رأس شاحن سريع 22.5 وات مع كبل يو اس بي من نوع Type-C
جراب ظهر شفاف للحماية دبوس معدني لفتح درج الشريحة زائد كتيب التعليمات ودليل الاستخدام
الخلاصة
هاتف redmi note 9s بيقدملك تركيبة متكاملة لأبعد الحدود في فئته السعرية من حيث الشاشة الكبيرة الكاملة بتصميم الثقب والأداء المستقر أغلب الوقت وتجربة الكاميرات الخلفية الممتازة والبطارية الضخمة بشاحن سريع وتسعير جيد أرخص من المنافسين سواء ريلمي 6 أو سامسونج 31M كل ده بيخليه يقدر يقف على رجليه وينافس وبقوة ومن نظري النوت 9s هياكل السوق من ريلمي 6 هذا العام.

سعر هاتف xiaomi note 9s شاومي نوت 9 اس

سعر موبايل xiaomi note 9s شاومي نوت 9 اس الرسمي هو 3333 جنيه للنسخة 64  مع 4 جيجا رام والنسخة الثانية 128 مع 6 جيجا رام سعرها الرسمي 3777 جنيه.
للشراء من سوق.كوم

تقيمنا للموبايل ككل تسعة من عشرة 9/10