 |
| realme 6i مراجعة هاتف |
مراجعة هاتف realme 6i ريلمي 6i
أول مرة هاتف من سلسلة i من ريلمي ينزل مصر وهو هاتف هو realme6i ريلمي 6i واللي بعتبره خليفة
ريلمي 5 بعد ارتفاع سعر ريلمي 6 سواء العادي أو البرو وده بعد ما ريلمي ضافتلهم مميزات
كتير، 6i جاي يعالج العيوب الموجودة في ريلمي C3 زي
منفذ ميكرو يو اس بي القديم والشاحن 10 وات البطئ وافتقاد الكاميرا الألترا وايد وكاميرا
السيلفي الضعيفة، وبعد ما 6i عالج كل ده ريلمي حطتلك معالج أقوى من اللي
في C3 واللي هو موجه للجيمنج أصلاً، طب والسعر زاد كام؟ زاد 500
جنيه بس أنا عارفك
اتحمست، كفاية رغي وبينا على الريفيو.
موبايل realme
6i ريلمي 6i
تصميم
موبايل ريلمي 6i
خامات موبايل
realme 6i بلاستيك مع إطار بلاستيك برضو سمكه 9 ملم ووزن الموبايل 195 جرام.
الفئة
الاقتصادية كلها خامات بلاستيك بإستثناء موبايل أو اتنين فمش هنلوم ريلمي في
النقطة دي لأنك بتضحي شوية بالخامات مقابل الإمكانيات، لكن ريلمي ضافتلك طبقة
جوريلا جلاس الجيل الثالث مقاومة لرذاذ الماء عشان تحسن الماتريال، نقطة الوزن مش
في صالح الموبايل لأنه وزنه تقيل مقارنة بالموبايلات البلاستيك وده راجع لبطاريته
العملاقة 5000 مللي أمبير،
ممكن يبقى تقيل على الاستخدام بإيد واحدة.
نخش
على الديزين بص هو التصميم أزواق فيه ناس هتحب الديزين ده وناس تانية لا بس انا
معجبنيش الشكل ده مش حاسه شبابي خالص، لكن الحواف كبيرة خاصة الحافة السفلية، رصة
الكاميرات كلاسيكية فوق بعض بالطول بروزها شبه كبير لكن بتطغطي مع الجراب.
الشاشة:
الشاشة نوعها IPS بدقة اتش دي بلس بحجم 6.5 بوصة فيها نوتش mini drop مع كثافة بكسلات 270 بكسل في البوصة الواحدة، مع سطوع بقوة 480 نيتس وبتستحوذ
الشاشة على %82 من الواجهة.
الشاشة دي نفس اللي موجودة في ريلمي C3 وزي ما قولنا في مراجعة C3 ان الشاشة مش هتديك تجربة الألوان الزاهية
والدقة العالية والتجربة البصريه الممتعة اللي انت عايزها والكلام ده كله، والشاشة
بيعيبها كمان انها HD+ مش فل اتش دي
والفئة دي فيها شاشات فل اتش دي فمش هينفع نعدي النقطة دي زي ما عدناها في C3.
لكن على الرغم من انها شاشة IPS
فئة اقتصادية مازال سطوعها تحت الشمس مقبول جداً ومحتوى الشاشة باين كويس حتى
والشمس قوية.
منصة
التشغيل:
موبايل ريلمي 6i بيشتغل بواجهة ريلمي الجديدة Realme UI المبنية على نظام أندرويد 10 .
واجهة ريلمي UI زي ما قولنا تعتبر تطوير لواجهة أوبو 7 color OS، تصميم الواجهة بقى شبابي أكتر مخليها أسلس وأسرع مع شكل
أيقونات جديد وطريقة الاشعارات اتغيرت عن Color OS كمان موجود الدارك مود.
الذاكرة:
النسخ اللي نازلة مصر من الموبايل ده جاية
بذاكرة داخلية 64 جيجابايت نوعها 5.1 eMMC مع ذاكرة وصول عشوائي 3 جيجا رام والنسخة
الثانية بذاكرة 128 مع 4 جيجا رام نوع
الرام LPDDR4x وبيتيحلك تركب كارت ميموري خارجي لحد 256 جيجابايت في مكان مخصص.
الذاكرة 64 كويسة ولو كنت اتمنى تيجي من
نوع UFS
الأسرع من eMMC وأعتقد أنه من حقنا نطمع في كده عكس ريلمي C3، حجم الرامات
برضو كويس على الفئة دي ولو إني كنت أفضل ريلمي تعمل النسختين بحجم 4 جيجا رام عشان
تميزه عن C3، هبقى أقولك في
الآخر كلمتين عن النسخة 128 مع 4 جيجا رام.
الأداء:
الموبايل فيه معالج ميديا تك الجديد Helio G80 بدقة تصنيع 12 نانو ثماني النواة بتردد
بيوصل 2.0 جيجاهرتز، وجاي
معاه معالج رسوميات Mali-G52 MC2.
المعالج ده قوي جداً في الفئة السعرية دي
ويقدر ينافس لحد فئة 4000 جنيه ويديك أداء سريع جداً في المهام اليوميه من
سوشيال ميديا وتصفح ويقدر يشغل حوالي 4 أو 5 تطبيقات في الخلفية لو زودت
عن كده هيبدأ يقفل اللي انت مش بتستخدم، ومن الآخر المعالج مش هيقصر معاك خالص في
مهامك اليومية.
 |
| realme 6i اعدادات جرافيك بايجي |
معالج الرسوميات هيشغلك ببجي على إعدادات
جرافيك HD مع فريم ريت high بدون لاج أو تقطيع والمميز انك لو قللت إعدادات الجرافيك بيديك
خيار انك تعلب على فريم ريت ultra.
 |
| اعدادات بابجي علي ريلمي 6 آي |
لعبة فورتنيت لسه مبتشتغلش بشكل رسمي على
المعالج ده لسه برضو مش مظبطة أمورها مع معالج ميديا تك الجديد بس تقدر تلعبها
عادي.
الكاميرات:
الموبايل جاي بأربع كاميرات خلفية بدقة 48 ميجابكسل للكاميرا
الأولى بفتحة عدسة F1.8 بحجم بكسل 0.8 ميكرون مزودة
بخاصية الفيز ديتيكشن اوتو فوكس، والثانية جاية بدقة 8 ميجابكسل ببعد
بؤري 13mm
وفتحة عدسة F2.3 وهي عدسة
التراوايد، والكاميرا الثالثة بدقة 2 ميجابكسل وبفتحة عدسة F2.4 بحجم بكسل 1.75 ميكرون وهي عدسة مخصصة
لتصوير الماكرو، والكاميرا الرابعة بدقة 2 ميجابكسل وفتحة عدسة F2.4 مسؤولة عن قياس العمق، والكاميرات جاية مع
فلاش LED.
 |
| كاميرات realme 6i |
الكاميرا الرئيسية نتايجها كويسة على أرض الواقع بتطلع
صور فيها دايناميك رينج حلو خاصة لو كنت بتصور بالنهار كمان فيه خاصية chomra boost اللي بتعزز الألوان وبتطلع ألوان مبهرة جداً، حتى على مستوى تصوير
البورتريه معالجة الصور بقت أفضل وبقت تطلع لون بشرة أوقع لكن العزل لسه برضو
بيغلط.
التصوير الليلي مش بتلاقي فيه تفاصيل واللي
بيزود الطين بلة ان ريلمي شالت النايت مود من الموبايل ده لكن ككل الصور اللي بتطلع من الكاميرا الرئيسية أفضل من صور ريلمي 5 وبالتأكيد أفضل من C3.
أخيراً ريلمي ضافت الكاميرا الالترا وايد
حنباً إلى جنب مع كاميرا الماكرو، وبالنسبة لصورها فالصور كويسة ممكن ميكنش فيها
دايناميك رينج كتير لكن الصور مقبولة وعالعموم دي نفس الكاميرا الالترا وايد اللي في ريلمي 5 بدون اختلاف.
نخش على كاميرا الماكرو اللي من نظري ملهاش
لازمه واللي بتخليك تصور حاجات على بعد 4 سم لكن بتطلع صور سوفت مفيهاش تفاصيل قد
كده وألوانها ضايعه خالص.
بالنسبة بقى لتصوير الفيديوهات فالموبايل بيصور
فيديوهات فل اتش دي بسرعة 30 إطار في الثانية
مع وجود مثبت إلكتروني.
للأسف الموبايل مش بيصور فور كيه وبالنسبة النتايج
فجودتها مقبولة وحتي علي مستوي التثبيت فالتثبيت برضو مقبول.
الكاميرا الأمامية دقتها 16 ميجابكسل بفتحة
عدسة F2.0 وبحجم بكسل 1.0 ميكرون.
كاميرا السيلفي تفاصيلها حلوه في الإضاءة
الجيدة وبتطلع لون البشرة مايل سنة بسيطة للأحمر وده أوقع من لما يفتحلك البشرة
وتبقى بيضه خالص إنما في الإضاءة القليلة مش هتلاقي تفاصيل وهتطلع نتايج سيئة وصور
مفيهاش نور.
السماعات:
سماعة خارجية واحدة مكانها تحت على اليمين بالإضافة
لوجود منفذ السماعات 3.5 ملم.
جودة صوت
السماعة مقبول بالتأكيد في سماعات أفضل منها في الفئة دي لكن صوتها مسموع كويس وزاضح، كمان صوت سماعات المكالمات تمام
ومفيهوش مشاكل.
الاتصالات
والمستشعرات:
واي فاي
وخاصية dual-band وخاصية WI-FI Direct وهوتسبوت وعندك بلوتوث 5.0 ونظام التموضع العالمي GPS وعندك راديو FM
البصمة
موجودة في الضهر سريعة ممكن وتقدر تعتمد عليه بشكل كلي وكمان بيدعم Face Unlock سريع برضو.
الموبايل فيه
مستشعرات التسارع والتقارب وبوصلة وحساس جيروسكوب ومستشعر الضوء.
الشبكة فوق
متوسطة بمعنى ان الامكان المفتوحة هتستقبل شبكة كويس جداً لكن في الأمكان المغلقة
الشبكة بتقل لشرطتين وممكن شرطة واحدة فلازم في نقطة الشبكة تشوف مستخدمين من نفس
منطقتك لأن الشبكة بتختلف من مكان لمكان.
المنافذ:
منفذ يو إس
بي 1.0 Type-C الإصدار الثاني بيدعم OTG وخاصية الاتصال العكسي.
منفذ سماعات
الرأس التقليدي 3.5 ملم
منفذين
لتركيب شريحتين اتصال من النوع نانو SIM ومنفذ خاص لكارت ميموري.
البطارية:
بطارية realme 6i حجمها 5000 مللي أمبير بتشحن بقدرة 18 وات
بتدعم الشحن العكسي.
البطارية
هتساعدك تلعب براحتك وهتقعد معاك يوم ونص مستريح استخدام متوسط حوالي 10 ساعات شاشة مفتوحة وده لأن معالج ميديا تك الجديد والواجهة الجديدة
موفرين في الطاقة.
و ريلمي
عالجت العيب اللي كان موجود في C3 وهو
بطئ الشحن 10 وات اللي كان
بياخد اكتر من 3 ساعات،
وضافتلك شاحن 18 وات بيملى
البطارية في ساعتين ودي من نظري أهم ميزة ريلمي ضافتها ومن الآخر دي أفضل بطارية مع شاحن سريع في الفئة دي لحد وقت كتابة المراجعة.
عيوب موبايل realme 6i
✖ الحواف ما زالت كبيرة وبالأخص الحافة السفلية
✖ الشاشة ضعيفة بدقة +HD بس
وليست فل اتش دي
✖ لا يأتي في علبة الهاتف سماعة أذن
✖ الهاتف ككل فيه تنازلات كتير عن ريلمي 6
✖ لا
توجد لمبة الاشعارات ولا يوجد بديل لها
مميزات موبايل realme 6i ريلمي 6i
✔ معالج قوي في فئته أداءه سريع في المهام اليومية وفي الألعاب
✔ بطارية كبيرة 5000 مللي أمبير بتقعد 10 ساعات شاشة مفتوحة وأكتر
بالإضافة انها بتدعم الشحن السريع بقدرة 18 وات
✔ مستشعر بصمة سريع الاستجابة ويعتمد عليه
✔ يدعم تركيب شريحتين اتصال وكارت ميموري في آن واحد
محتويات علبة موبايل realme 6i
موبايل realme
6i متركبله اسكرينة بشكل مسبق
جراب ظهر شفاف للحماية
رأس شاحن سريع 18 وات وكبل USB
نوعه Type-C
كتيب التعليمات ودليل الاستخدام ودبوس
معدني لفتح درج الشريحة
الخلاصة
ريلمي 6i عالج أغلب العيوب اللي كانت في C3 بالإضافة انه اداك أداء أقوى وكاميرات أحسن فأنا بفضله الحقيقة عن C3 لو معاك فرق 500 جنيه، وأنا هنا هرشح نسخة واحدة من الموبايل وهي النسخة 64 مع 3 جيجا رام أما النسخة التانية فمش هرشحها لأن ريلمي 6 هينزل في نفس رينج سعرها وطبعاً ريلمي 6 أقوى بمراحل من 6i العادي
سعر موبايل realme 6i ريلمي 6i
سعر موبايل
ريلمي 6i الرسمي هو 2890 جنيه مصري للنسخة 64 مع
3 جيجا رام ودي النسخة اللي بنصح بيها، و 3390 جنيه للنسخة 128 مع
4 جيجا رام.
 |
| realme 6i سعر هاتف |
النسخة 64 جيجا مع 3 جيجا رام
هتبقى متاحة للحجز على موقع سوق.كوم
بداية من يوم 1 أبريل بسعر 2790 جنيه مصري.
الشراء من سوق.كوم
الشراء من سوق.كوم
