إعلان

Header Ads

مراجعة هاتف Samsung galaxy M31 | خليفة العملاق صاحب البطارية 6000 مللي أمبير!!

4/29/2020
سعر سامسونج ام 31, سامسونج جلاكسي ام 31, سامسونج ام ٣1, جلاكسي ام 31, ام 31 سامسونج, مواصفات سامسونج ام 31, موبايل سامسونج ام 31, تليفون سامسونج ام 31, ام ٣1 سامسونج , جالاكسي ام 31
M31 هاتف سامسونج

مراجعة هاتف 31Samsung galaxy M سامسونج جالكسي ام 31

سامسونج أطلقت هاتف 31Samsung galaxy M سامسونج ام 31 في مصر مع أخوه الصغير 11M واللي هنبقى نتكلم عنه بعدين، الأول بقى خلونا نشوف هل هاتف 31M بيقدم قيمة كويسة وتطوير قوي عن M30s ؟ يلا نبدأ.

موبايل 31Samsung galaxy M سامسونج ام 31

تصميم Samsung M31
خامات بلاستيكية بالكامل زي أخوه M30s بما في ذلك إطار بلاستيك بسماكة 8.9 ملم ووزن الموبايل 191 جرام.

الموبايل فيه تنازل كبير في نقطة الخامات البلاستيك زي M30s لكن اختلف حاجة بسيطة في وجود طبقة حماية جوريلا جلاس 3 ودي حاجة بسيطة جداً، والبلاستيك هنا ضعيف وعرضة للتبصم والخدش بسهولة لدرجة انك ممكن تخدشه بضوافرك، وعلى الرغم من البطارية العملاقة إلا إن وزن الموبايل مش تقيل كما هو متوقع حتى سمك الموبايل مش تخين وهنا لازم نقول برافو سامسونج.

الديزين مفيهوش تدرج ولا انعكاسات للإضاءة ولا أي حاجة، مجرد لونين مطفيين سواء الأزرق أو الأسود أينعم الأسود لون فخامة لكن اللون الأزرق المطفي احلى ولكن في الأول والأخر كلها أزواق، الحواف رفيعة بإستثناء الحافة السفلية هي أينعم مش كبيرة لكنها مش صغيرة، والكونرز مستديرة مش حادة.

وفي الضهر فيه الكاميرات الأربعة موجودة فوق على الشمال مترتبة على شكل حرف L مقلوب جوة مستطيل ومعاهم فلاش، و بالتوازي مع نهاية المستطيل من الأسفل وفي المنتصف هتلاقي مستشعر البصمة اللي واخد شكل بيضاوي مش دائري زي ما احنا متعودين لكن الحقيقة الشكل ده مناسب أكتر لصابع السبابة لكن مشكلته في مكانه العالي مش في النص فهتضطر ترفع صوباعك كذا مرة في الأول لحد ما تتعود عليه، بروز الكاميرات قليل هيتغطي تماماً مع تركيب جراب بس للأسف الموبايل مبيجيش معاه جراب أو سكرينة في العلبة.
سعر سامسونج ام 31, سامسونج جلاكسي ام 31, سامسونج ام ٣1, جلاكسي ام 31, ام 31 سامسونج, مواصفات سامسونج ام 31, موبايل سامسونج ام 31, تليفون سامسونج ام 31, ام ٣1 سامسونج , جالاكسي ام 31في الشمال موجود بيت لشريحتين الاتصال ومنفذ مخصص لكارت ميموري خارجي، وعلى اليمين موجود زرار الباور مكانه عالي شوية وموجود فوقه زرار الصوت اللي مكانه عالي جداً ومش هتعرف توصله بسهولة وانت ماسك الموبايل بإيد واحدة
الشاشة:
شاشة سوبر اموليد فل اتش دي بلس بحجم 6.4 بوصة بتصميم نوتش حرف U باستحواذ 84.1% من الواجهة مع كثافة بكسلات 403 بكسل في البوصة الواحدة، وأبعاد 19.5:9.

الشاشة هنا تاني أميز حاجة في الموبايل بعد البطارية طبعاً، وتجربة الفرجة عليها ممتازة للغاية انت هتعشق الألوان الزاهية اللي طالعة منها، ونقطة قوة كمان هي وجود طبقة حماية جوريلا جلاس 3 واللي مكنتش موجودة في M30s، لكن في نقطة معجبتنيش وهي تصميم النوتش U واللي اتلغي في 11M الأرخص بحوالي 1500 جنيه وفيه تصميم الخرم.
سعر سامسونج ام 31, سامسونج جلاكسي ام 31, سامسونج ام ٣1, جلاكسي ام 31, ام 31 سامسونج, مواصفات سامسونج ام 31, موبايل سامسونج ام 31, تليفون سامسونج ام 31, ام ٣1 سامسونج , جالاكسي ام 31
الشاشة ممتازة وتعتبر الأفضل بين المنافسين محتواها شارب وواضحة والألوان مشبعة لكن تشبعها بزيادة مش مخلي في دقة في الألوان وده بسبب وضع Vivid اللي الموبايل بيجي متسستم عليه فلو انت شخص بتحب الألوان المظبوطة فالأفضل تخليه على الوضع العادي، وطبعاً مش محتاجين نقول قوة سطوع الشاشات الأموليد اللي بتبدأ من 600 شمعة ودي درجة قوية أوي وميبقاش فيه مشكلة مع استخدام الموبايل في ضوء الشمس إطلاقاً.
الواجهة:
الموبايل بيشتغل بواجهة سامسونج 2 One UI المبنية على نظام أندرويد 10.

واجهة سامسونج 2 One UI اللي شالو منها أنيميشن كتير ملهاش لازمة والواجهة بقت أسرع وأسلس وتحربة الاستخدام عليها بقت أفضل خاصة في multitasking.
الذاكرة:
النسخة اللي نازلة مصر من الموبايل ده بذاكرة داخلية 128 جيجابايت نوعها 2.1 UFS مع رامات 6 جيجا من نوع LPDDR4x وبيتيحلك تركب كارت ميموري خارجي في منفذ مستقل.

سامسونج قررت تنزل النسخة 128 مع 6 جيجا رام عشان يقدر ينافس في نفس فئته خاصة وإن موبايل ريلمي 6 المنافس منزلش منه نسخة 64 مع 4 رام، ومع ذلك التسعير مازال قريب جداً من تسعير M30s اللي كان 64 مع 4 رام ومزدش غير 400 جنيه ودي نقطة كويسة، ومن ناحية تانية عشان سامسونج تحافظ على حالة M30s في السوق كخيار للي محتاج نسخة 64 مع 4 رام.
الأداء:
الموبايل نازل بمعالج سامسونج Exynos 9611 ثماني النواة بدقة تصنيع 10 نانو بتردد 2.3 جيجاهرتز، وجاي معاه معالج الرسومياتMali-G72 MP3.

للأسف المعالج متطورش عن M30s ودي نقطة منتظرين تطويرها بس مش أكتر نقطة طب اي هي أكتر نقطة منتظرين تطويرها؟ هتعرفها في الآخر، عالعموم المعالج محقق 195 ألف نقطة فقط في اختبارات Antutu متأخر كتير عن ريلمي 6 اللي بنفس تسعيره واللي فيه معالج G90T بفرق حوالي 93 ألف نقطة وده فرق كبير جداً لصالح ريلمي 6 على مستوى الأداء.

لكن المميز في الأداء مع واجهة سامسونج الجديدة هو الاستقرار بمعنى انه مش أفضل معالج في فئته لكن أداءه مستقر طول الوقت مبيهنجش الموبايل مبيتشنجش المستوى ثابت طول الوقت عكس الموبايلات الصينية اللي أداءها بيبقى معاك قوي وفجأه الموبايل يبدأ يهنح ويبقى تقيل، فعلياً بقى أداء المعالج في المهام اليومية من سوشيال ميديا وتصفح وتبديل بين البرامج سريع وتمام أغلب الوقت، لكن على مستوى الألعاب ضعيف.

معالج 72Mali-G معالج جرافيكس كويس بيشغلك ببجي على إعدادات عالية بيشغلها على إعدادات جرافيك HDR مع فريم ريت ultra ودي نفس إعدادات 6 realme بس الحقيقة الموبايل بيسقط فريمات كتير وبتلاقي نفسك مضطر تقلل الاعدادات،
سعر سامسونج ام 31, سامسونج جلاكسي ام 31, سامسونج ام ٣1, جلاكسي ام 31, ام 31 سامسونج, مواصفات سامسونج ام 31, موبايل سامسونج ام 31, تليفون سامسونج ام 31, ام ٣1 سامسونج , جالاكسي ام 31
والجميل كمان انك لو قللت إعدادات الجرافيك وخليتها smooth بيديك خيار انك تعلب على فريم ريت extreme ودي نقطة كويسة جداً
سعر سامسونج ام 31, سامسونج جلاكسي ام 31, سامسونج ام ٣1, جلاكسي ام 31, ام 31 سامسونج, مواصفات سامسونج ام 31, موبايل سامسونج ام 31, تليفون سامسونج ام 31, ام ٣1 سامسونج , جالاكسي ام 31
لكن لعبة فورتنيت مش مدعومة بشكل رسمي على المعالج ده للأسف، واتمنى انها تدعمه مستقبلاً خاصة وانها كانت مدعومة على M30s.
الكاميرات:
الموبايل جاي ب 4 كاميرات خلفية الأولى بدقة 64 ميجابكسل ببعد بؤري 26mm وبفتحة عدسة F1.8 بحجم بكسل 0.8 ميكرون مزودة بالفيز ديتيكشن اوتو فوكس، والثانية بدقة 8MP ببعد بؤري 12mm وبفتحة عدسة F2.2 وهي عدسة الترا وايد، والكاميرا الثالثة بدقة 5MP ببعد بؤري 25mm مخصصة لتصوير الماكرو، وأخيراً الكاميرا الرابعة بدقة 5MP مخصصة لأخذ قياسات العمق، والكاميرات جاية مع فلاش LED
سعر سامسونج ام 31, سامسونج جلاكسي ام 31, سامسونج ام ٣1, جلاكسي ام 31, ام 31 سامسونج, مواصفات سامسونج ام 31, موبايل سامسونج ام 31, تليفون سامسونج ام 31, ام ٣1 سامسونج , جالاكسي ام 31
كوالتي الكاميرا الرئيسية في وضح النهار جيدة بس مش ممتازة أينعم الألوان الزاهية لكن الصور فيها كمية بياض يعني مفتحة سنة بسيطة والنويز القليل والصور طالع فيها تفاصيل كتير بالأخص لو بتصور على وضع 64MP أما لو صورت على وضع 16MP التفاصيل بتقل خالص وده لأن سوفت وير سامسونج بيضغط الصور جداً، والدايناميك رينج حلو ومقبول.

في تصوير البورتريه معالجة الصور على أعلى مستوى بتطلع لون البشرة مظبوط، العزل شغال كويس برضو وقليل لما يغلط والصور فيها تباين وعزل كويس جداً.

جودة الصورة بالليل رائعة وهتلاحظ انه مفيش نويز كتير بس ده بيكون على حساب التفاصيل خاصة في وضع 16MP أما وضع 64MP هتلاقي تفاصيل أكتر وجودة صور أحسن في الصور وألوان مظبوطة.

كاميرا الترا وايد هنا حكاية بتاخد زاوية واسعة جداً وسامسونج متميزة فيها، الزاوية العريضة دي مشفتهاش في أي كاميرا التراوايد تانية في موبايلات الشركات التانية، والصور فيها تفاصيل مقبولة.

كمان عندك كاميرا ماكرو 5MP دي الإضافة عن M30s وبالنسبالي مش فارقة معايا لأنها بتطلع صور سوفت مفيهاش تفاصيل ولا أي حاجة وانت تقدر تاخد النتيجة اللي هتطلع من الكاميرا الرئيسية بعد ما تقص الصورة.

في تصوير الفيديوهات الموبايل بيصور فيديوهات فور كيه بسرعة 30 إطار في الثانية أو فل اتش دي بسرعة 30 إطار في الثانية برضو مع وجود ثبيت إلكتروني.

الموبايل بيصور فور كيه لكن النتايج بتطلع مهزوزة جداً وده لأن المثبت الالكتروني مبيشتغلش على وضع فور كيه لكن لو بتصور على وضع فل اتش دي النتايج بتطلع كويسة جداً ومفيهاش اهتزاز إلى حد كبير بفضل تقنية Super steady mode من سامسونج، لكن للأسف الموبايل مبيدعمش 60 فريم في الثانية على أي وضع.

الكاميرا الأمامية دقتها 32 ميجابكسل بمستشعر سوني 616IMX القوي ببعد بؤري 26mm مع فتحة عدسة F2.0 وبحجم بكسل 0.8 ميكرون.

كاميرا السيلفي من نظري هي أقوى تطوير عن M30s وبفضل مستشعر سوني 616 IMX الألوان طالعة مظبوطة والتفاصيل كتيرة وفي حدية في الصور ولون البشرة واقعي، وسامسونج موقفتش الابهار لحد هنا ده كمان خلت الموبايل يصور فيديو سيلفي فور كيه يعني صباح التفاصيل يا معلم في فيديوهات التواصل الاجتماعي.
السماعات:
سماعة خارجية واحدة مكانها تحت على اليمين بالإضافة لوجود منفذ السماعات 3.5 ملم.

على الرغم من وجود خاصية Dolby Atmos إلا إن جودة السماعات مش نموذجية بمعنى صوتها عالي بس مش أعلى حاجة ومفيش تجسيم للصوت أو بيز في الصوت العالي، لكن صوت سماعات المكالمات تمام ومفيهوش مشاكل.
الاتصالات والمستشعرات:
واي فاي بيدعم dual-band و WI-FI Direct وهوتسبوت.
بلوتوث 5.0 و GPS وعندك راديو FM.

البصمة موجودة في الضهر في مستشعر بيضاوي مش دائري، بصمة مقارنة ب M30s بقت أسرع وأدق لكن مازالت بتغلط احياناً لكن تقدر تعتمد عليها بشكل كلي كذلك يدعم الهاتف Face Unlock.

مستشعرات التسارع والتقارب وبوصلة وحساس جيروسكوب ومستشعر الضوء.
الشبكة متوسطة أغلب الوقت لكن في الأمكان اللي شبكتها ضعيفة مش حلوة خالص مجرد شرطة أو اتنين بالعافيه وأحياناً بيسقط شبكة.
المنافذ:
منفذ يو إس بي Type-C 1.0 الإصدار التاني بيدعم خاصية الاتصال العكسي وخاصية OTG.
منفذ سماعات الرأس التقليدي 3.5 ملم.
منفذين لتركيب شريحتين اتصال من النوع نانو SIM ومنفذ خاص لكارت ميموري.
البطارية:
بطارية 31M عملاقة حجمها 6000 مللي أمبير بتدعم الشحن السريع بقوة 15 وات.

البطارية هنا 6000 ودي نقطة عملقة الموبايل، بس بالرغم البطارية العملاقة إلا إنها هتقعد معاك يومين كاملين من الاستخدام العادي حوالي 9 ساعات شاشة مفتوحة والرقم ده بتحققوا بطاريات 5000 مللي أمبير والفكرة هنا في معالج 9611 Exynos المستهلك حبتين للطاقة.

لكن العيب هو سرعة الشحن 15 وات هو مش بطئ لكن بالنظر لحجم البطارية بيبقى بطئ جداً بيشحن 20% من البطارية في نص ساعة وبيشحنها كاملة في أكتر من ساعتين ونص وده وقت طويل اوي اوي، ودي اكتر نقطة منتظرين سامسونج تطورها في الجيل الجديد ويبقى الشحن أسرع لأن 15 وات بقت جزء من الماضي في الفئة دي انت عندك منافسين زي ريلمي 6 جاي بشاحن 30 وات والنوفا 7i جاي بشاحن 40 وات.

عيوب موبايل Samsung M31

✖ المعالج لا يقدم أفضل أداء في فئته لكن أداءه مقبول تماماً
✖خامات بلاستيكية ضعيفة عرضة للتبصم والخدش بسهولة
✖ وقت شحن البطارية طويل جداً وده لأن سامسونج لم تدعم شحن أسرع من 15 وات
✖ للأسف لا يأتي مع الهاتف سكرينة حماية أو جراب ظهر
✖ لا يأتي مع الهاتف سماعات الأذن handfree
✖ لا توجد لمبة الاشعارات ولكن توجد خاصية always on display

مميزات Samsung M31 سامسونج ام 31

✔  شاشة سوبر اموليد بحواف قليلة مع تشبع ألوان ممتاز
✔ بطارية عملاقة بتقعد معاك حوالي 9 ساعات شاشة مفتوحة
✔ كاميرا خلفية قوية وتم تطويرها بشكل كبير عن M30s
✔ كاميرا سيلفي ممتازة وتصور فيديوهات فور كيه وتعتبر الأفضل في فئتها
✔ يدعم تركيب شريحتين اتصال وكارت ميموري في آن واحد 

محتويات علبة هاتف 31Samsung galaxy M

هاتف Samsung galaxy M31 ذات نفسه
رأس شاحن سريع 15 وات مع كبل يو اس بي من نوع Type-C
دبوس معدني لفتح درج الشريحة زائد كتيب التعليمات ودليل الاستخدام

الخلاصة
أوفر اول سامسونج 31M قيمة كويسة جداً مقابل الفلوس اللي هتدفعها وعلى قدر المنافسة في فئته السعرية وسابق المنافسين بمراحل في حاجات زي الشاشة الأموليد والبطارية العملاقة ده غير اسم سامسونج المعروف لكن فيه تنازل كبير في الخامات كمان مش ده التطوير القوي لل M30s فلو معاك M30s ماانصحكش بالتحديث.

سعر samsung galaxy M31 سامسونج ام 31

سعر موبايل Samsung galaxy M31 سامسونج ام 31 الرسمي هو 3999 جنيه للنسخة 128 مع 6 جيجا رام.
متاح للحجز والشراء عبر موقع جوميا

تقيمنا للموبايل ككل ثمانية ونصف من عشرة 8.5/10