 |
| Samsung A01 مراجعة موبايل |
موبايل Samsung Galaxy A01 سامسونج جالكسي A01
سامسونج قررت طرح هاتف samsung galaxy A01 سامسونج جالاكسي A01 في السوق المصري خاصة وأن الهاتف يستهدف الفئة
الاقتصادية والسوق المصري مليان مستخدمين فئة اقتصادية، وبقينا نشوف سامسونج بتنزل
موبايلات الفترة اللي فاتت أكتر من الشركات الصينية بقينا كل 3 أسابيع نشوف موبايل من سامسونج شوفنا A51 وبعده A71 وبعدهم النوت 10 لايت وأخيراً A01 والأربع
موبايلات نزلوا في أقل من شهرين، وموقفش الأمر عند كده بل شوفنا سامسونج نازلة
تنازل فئة تحت 2000 جنيه بالموبايل ده وده بيخلي المنافسة قوية في السوق.
نظرة تفصيلية على هاتف 01Samsung galaxy A سامسونج جالكسي 01A
أولاً التصميم وبنية موبايل سامسونج جالكسي A01 :
موبايل
سامسونج A01 بيجي بأبعاد 70.9 × 146.2 ملم وسمكه 8.3 ملم ووزن
الهاتف يصل إلى 149 جرام
والموبايل بيجي بضهر بلاستيك وجاي بفريم بلاستيك برضو.
الفئة
الاقتصادية من الصعب جداً تلاقي موبايل بخامات إزاز كل الشركات بتحاول تقلل في
الخامات عشان تعرف توفرلك تركيبة مقبولة.
تصميم
الموبايل بسيط للغاية بألوان مطفية مفيش انعكاسات ولا الكلام ده لأنه بلاستيك زي
ما قولنا وتقدر تستخدمه بإيد واحدة عشان خفيف جدا 150 جرام بس وحجمه صغير، بالنسبة لرصة الكاميرات فهي بشكل رأسي مع بروز
للكاميرات صغير جداً يكاد يكون مش موجود لأن الكاميرات في الفئة دي بتبقى ضعيفة
جداً، الحافة السفلية كبيرة بغباء شكلها مش لطيف.
شاشة
الهاتف :
الشاشة من نوع PLS TFT بأبعاد 19.5:9 بحجم 5.7 بوصة مع وجود نوتش water drop (قطرة ماء) واستحواذ الشاشة على 75.1% من جسم الهاتف بدقة
اتش دي بلس 1520 ×720 بكسل مع كثافة بكسلات 301 بكسل في البوصة
الواحدة.
كنا علطول بنشكر في شاشات السامسونج لكن
الموبايل ده فيه شاشه على اده خالص لأنه فئة اقتصادية ومعظم شاشات الفئة دي بتكون
اتش دي بلس بس، الشاشة مش عليها طبقة حماية ولا بيجي معاها اسكرينة فخليك حذر
معاها.
عملياً سطوع الشاشة تحت الشمس سيئ هتشوف
الشاشة بالعافيه كمان ألوان الشاشة هتحسها بهتانة شوية.
منصة
التشغيل :
موبايل 01A بيشتغل بواجهة سامسونج 2 One UI المبنية على أندرويد 10.
الموبايل جاي بأحدث أنظمة تشغيل حالياً
سواء الأندرويد أو الواجهة 2 One UI واللي اتحسنت كتير
وبقت سلسلة وأسرع عن واجهات سامسونج اللي قبل كده والموبايل ده يعتبر أرخص موبايل
شغال بأندرويد 10 حتى الآن.
الذاكرة :
الموبايل نازل بنسخة واحدة جايه بذاكرة
داخلية بحجم 16 جيجابايت من نوع 5.1 eMMC مع ذاكرة وصول عشوائي رامات بحجم 2 جيجا رام وينفع
تركب كارت ميموري خارجي حتى سعة 256 جيجابايت في منفذ مخصص للكارت.
ذاكرة الموبايل مش أحسن خيار في الفئة
السعرية دي، عندك مثلاً هواوي Y6s جاي بذاكرة 64 جيجا مع رامات 3 جيجا ونفس الفئة السعرية.
الأداء :
الموبايل جاي بمعالج سناب دراجون 439 ثماني النواة
بأقصى تردد يصل 1.95 جيجاهرتز لأربع
أنوية شغال بمعمارية 64 بت وبدقة تصنيع 12 نانوميتر، وجاي
معاه معالج رسوميات 505 Adreno.
معالجات سناب دراجون في الفئة دي أفضل بكتير من معالجات
الاكسينوس بتاعت سامسونج واللي ناس كتير كانت مستاءة منها، وأداء المعالج هنا
مقبول إلى حد كبير.
ولما نبص على أداء معالج الرسوميات فهو معالج
رسومي مقبول هيشغلك ببجي على إعدادات جرافيك متوسطة medium لكن في الأول والأخر الموبايل ده مش موجه علشان تلعب عليه لأن في
خيارات أفضل منه لو بتدور على أداء أقوى.
الكاميرا
:
 |
| الكاميرات في موبايل سامسونج A01 |
الموبايل جاي بكاميرا خلفية ثنائية بدقة 13 ميجابكسل للكاميرا
الأولى ببعد بؤري 28mm
وبفتحة عدسة واسعة F2.2 بحجم بكسل 1.12 ميكرون مزودة
بخاصية فيز ديتيكشن اوتو فوكس، أما الثانية جاية بدقة 2 ميجابكسل وبفتحة عدسة أضيق F2.4 وهي عدسة مسؤولة عن قياس العمق، والكاميرات
جاية مع فلاش خلفي أحادي LED.
بالرغم من الكاميرات البسيطة إلا إنها
عملية وتقضي الغرض، وبتطلع نتايج مقبولة على أرض الواقع في ضوء النهار والصور فيها
كمية دايناميك رينج حلوه وشوية تفاصيل مقبولة برضو، الحقيقة سامسونج في وجهتها
الجديدة 2 One UI عملت شغل عالي على
مستوى الكاميرات سواء كان موبايل فلاجشيب أو فئة متوسطة أو حتى فئة اقتصادية.
نقطة التصوير الليلي محتاج يتظبط حبتين
تلاتة من حيث الوايت بلانس فالألوان بتضيع بصورة كبيرة مش مريحة للعين كمان في وضع
البورتريه في غلطات كتير في العزل أكثرها بالليل بس في الأول والأخر دي كاميرا فئة
اقتصادية مش مطلوب منها أداء خرافي ومع ذلك بالنسبة لباقي المنافسين في نفس الفئة
فالكاميرا هنا قوية ونتايجها مقبولة.
مفيش بقى كاميرا الالترا وايد ولا كاميرا
الماكرو ولا الكلام ده هنا لأن الموبايل على قده ولو تقدر تزود 500 جنيه ويبقى عندك 4 كاميرات بص على
ريلمي 5.
بالنسبة بقى لتصوير الفيديوهات فالموبايل بيصور بدقة فل
اتش دي بسرعة 30 إطار في الثانية ومفيهوش أي نوع من انواع الثبيت.
بالنسبة للكاميرا الاماميه فهي تأتي بدقة 5 ميجابكسل بفتحة
عدسة F2.2 وبحجم بكسل 1.12 ميكرون.
كاميرا السيلفي ضعيفة قوى بتطلع لون البشرة
لاسع خالص وبعيد عن اللون الطبيعي ولو الإضاءة قلت شوية مش هتلاقي تفاصيل ولا
ألوان في الصور، من الآخر كاميرا السيلفي ضايعة تماماً عن الكاميرا الخلفية لكن
يشفع لها سعر الموبايل.
سماعة
الهاتف :
سماعة خارجية موجودة في ضهر الموبايل صوتها عالي وواضح
بالإضافة لوجود منفذ السماعات التقليدي 3.5 ملم
مكان السماعة
ده انتهى من الوجود لأنه بيكتم الصوت وانت ماسك الموبايل ومش مقبول تماماً المكان
ده حتى لو موبايل ب اتنين جنيه !!.
الاتصالات
والحساسات :
واي فاي 802.11 بترددات b/g/n بالإضافة لدعمه خاصية WI-FI Direct والهوتسبوت لمشاركة الموبايل داتا.
بلوتوث
الإصدار 4.2 مع دعمه
لخاصية A2DP وخاصية LE
نظام التموضع
العالمي GPS مع دعمه لأنظمة ملاحة A-GPS ونظام الملاحة GLONASS ونظام BDS ونظام الملاحة GALILEO
يوجد دعم
لموجات الراديو FM، لكن مبيدعمش خاصية
الاتصال قريب المدى NFC.
مفيش مستشعر
بصمة للأسف لكن الموبايل بيدعم Face Unlock واللي هو بطئ جداً.
الموبايل فيه
مستشعرات التسارع والتقارب وحساس الضوء بس وبقية المستشعرات مش مدعومة.
استقبال
الشبكة في معظم الوقت بتبقى متوسطة خاصة لو كنت في الدور الأرضي مثلاً بتلاقي
الشبكة ضعيفة جداً ممكن تقلل استقبال الشبكة ل 3G وهيلقط معاك كويس فى أغلب الأماكن.
المنافذ
:
منفذ يو إس
بي من نوع 2.0 microUSB.
منفذ سماعات
الرأس التقليدي 3.5 ملم
منفذين
لتركيب شريحتين اتصال من النوع نانو SIM أو شريحة اتصال واحدة مع
كارت ميموري.
البطارية
:
بطارية
سامسونج جالكسي 01A من نوع بوليمرات الليثيوم غير قابلة
للازالة بسعة 3000 مللي أمبير.
البطارية
يدوبك هتكفي معاك يوم من الاستخدام المتوسط يعني حوالي من 5 ل 6 ساعات شاشة
مفتوحة وبتشحن في حوالي 3 ساعات
وده وقت شحن كبير جداً.
البطارية مش
أحسن اختيار في الفئة السعرية دي لأن عندك مثلاً ريدمي 8A بيجي ببطارية 5000 مللي أمبير فلو انت استخدامك للموبايل تقيل يفضل انك تبعد عن الموبايل
ده.
عيوب موبايلSamsung Galaxy A01
❌ الموبايل مفيهوش مستشعر بصمة
❌ البطارية ضعيفة 3000 مللي أمبير مش أحسن حاجة
❌ لا توجد لمبة الاشعارات
❌
منفذ يو اس بي 2.0 قديم مش تايب سي
❌ السماعات
موجودة في ضهر الموبايل صوتها بيتكتم بسهولة
❌ شبكة
الموبايل مش أحسن حاجة
مميزات الموبايل سامسونج جالكسي A01
✔ أحدث واجهة من سامسونج مع أحدث إصدار أندرويد
✔ أداء الكاميرا الخلفية مقبول على قدر هذه الفئة
✔ الموبايل ينفع تركبله كارت ميموري وشريحتين اتصال في نفس
الوقت
محتويات علبة موبايل Samsung Galaxy A01
⚫ موبايل 01Samsung
Galaxy A
⚫ رأس شاحن 5 وات وكبل micro
USB
⚫ كتيب التعليمات والضمان ودبوس معدني لفتح منفذ
الشريحة
الخلاصة
موبايل 01Samsung A هو موبايل اقتصادي بحت مقدمش مميزات كتير في فئته بإستثناء واجهة التشغيل الأحدث وكاميرا خلفية قوية بين المنافسين بالإضافة أن سامسونج بتحظى بثقة كبيرة بين المستخدمين في الفئة الاقتصادية فلازم تبص على البدايل وتقرر بنفسك.
سعر موبايل Samsung Galaxy A01
التسعير الرسمي من سامسونج ل 01Samsung A هو 1799 جنيه مصري للنسخة
الوحيدة المتوفرة 16 جيجا مع 2 جيجا رام وهو متاح الآن للبيع في المحلات.
رابط شراء الموبايل من جوميا
رابط شراء الموبايل من سوق.كوم
رابط شراء الموبايل من جوميا
رابط شراء الموبايل من سوق.كوم
